A RAG e PuntoGal premian tres microrrelatos no seu VII Concurso para adultos
Ao que se presentaron máis de 450 textos.
Por Europa Press / Redacción | SANTIAGO DE COMPOSTELA | 25/06/2024 | Actualizada ás 14:10
A Real Academia Galega (RAG) e PuntoGal premiaron tres microrrelatos no VII Concurso para adultos ao que se presentaron máis de 450 textos.
Segundo informa o organismo, a profesora Claudia Pérez (1995) fíxose co primeiro premio na modalidade de adultos con 'Nin coa lixivia', unha historia sobre a violencia que se exerce contra as mulleres a través das palabras.
Pola súa banda, Luca Chao (1988), gañadora do segundo premio na edición de 2021, volve obter este galardón con 'Esperanza', coa guerra como escenario. 'Herdanza', un conto sobre os conflitos familiares presentado por Manuel González (1955), mereceu o terceiro.
No xurado, apunta, participaron, entre outros, o presidente da RAG, Víctor F. Freixanes; o presidente de PuntoGal, Manuel González; o director xeral de PuntoGal, Darío Janeiro; e a escritora Antía Yáñez, membro do comité de redacción da revista Luzes.
