Expresións galegas da castelá “a dos velas”( 3ª parte): sgdo. de “sen conseguir comprender ou entender algo”
O lingüista Xosé Antonio Pena Romay publica unha nova entrega da sección de fraseoloxía "Verbas sisudas non queren testemuñas".
Por Xosé Antonio Pena | Compostela | 30/06/2024 | Actualizada ás 12:00
Nesta entrega ímoslle pór o ramo á secuencia fraseolóxica castelá a dos velas, rematando o seu tratamento con aqueles casos en que a dita secuencia fornece, grosso modo, o significado de “sen conseguir comprender ou entender algo”.
A dos velas
{= Sen conseguir comprender ou entender algo.}
A velas vir
A pan pedir
Na inopia
A asubiar
[E MAIS]:
A pingar o moco
A lamber a buxa
Ex.: Este profesor utiliza un nivel tan elevado en sus explicaciones que me quedo a dos velas.
Este profesor utiliza un nivel tan elevado nas súas explicacións que eu quedo a velas vir ‡ a pan pedir ‡ na inopia ‡ a asubiar ‡ a pingar o moco ‡ a lamber a buxa.
● Tamén:
A oscuras && A ciegas && A buenas noches
Ás cegas && Ás escuras && A ruches
● Tamén:
In albis && En blanco
In albis && En branco
Ex.: Este profesor utiliza un nivel tan elevado en sus explicaciones que me quedo a dos velas.
Este profesor utiliza un nivel tan elevado nas súas explicacións que eu quedo ás cegas ‡ ás escuras ‡ a ruches ‡ in albis ‡ en branco.
NOTA:
As expresións galegas están tiradas das seguintes fontes, ou inspiradas nelas:
- Recolleita propia da oralidade galega.
- Recolleita propia documental (artigos de prensa, artigos ou comentarios na Rede, obras escritas, folletos publicitarios, etc.).
- López Ferro, Xosé María: “Locucións, fórmulas e paremias do concello das Pontes de García Rodríguez”. En Cadernos de Fraseoloxía Galega, 17, 2015, páxs. 135-178. Centro Ramón Piñeiro para a Investigación en Humanidades.
- Martínez [agora, Martíns] Seixo, Ramón Anxo (dir.): Dicionario fraseolóxico galego. Edicións A Nosa Terra, Vigo, 2000.
- Martíns [antes, Martínez] Seixo, Ramón Anxo: “Hai cousas que parecen lousas. Unha nova achega á fraseoloxía do Cachafeiro”. En Cadernos de Fraseoloxía Galega, 18, 2016, páxs. 211-247. Centro Ramón Piñeiro para a Investigación en Humanidades.
- Vázquez Saco, Francisco: Refraneiro galego e outros materiais de tradición oral. En Cadernos de Fraseoloxía Galega, 5, 2003. Centro Ramón Piñeiro para a Investigación en Humanidades.
