Altri non recibirá, por agora, ningún fondo da UE
O BNG asegura que a Comisión Europea afirma que non recibiu ningunha proposta para dotar de fondos a este proxecto
Por Europa Press / Redacción | SANTIAGO DE COMPOSTELA | 05/07/2024 | Actualizada ás 12:29
O BNG asegura que a Comisión Europea volveu a confirmar que non se presentou ningunha proposta para solicitar fondos europeos para o proxecto que Altri quere instalar no municipio lucense de Palas de Rei.
A eurodeputada electa do Bloque, Ana Miranda, destacou que é necesario "seguir presionando en Bruxelas, en Madrid e en Galicia" para tratar de "frear o desastre ambiental que supón Altri".
Así, tras a resposta da Comisión, Miranda defendeu que se está "a tempo de parar" o proxecto e de que "non se cometa unha atrocidade ambiental". "Desde que as plataformas estiveron en Bruxelas seguimos coa presión, e máis agora como eurodeputada electa, que estarei na Comisión de Peticións precisamente para parar este proxecto", defendeu a eurodeputada galega.
