Achan na auga o corpo dun home flotando en Ribeira

O corpo dun home duns 45 anos de idade foi achado este sábado flotando na auga na nas inmediacións do porto de Castiñeiras, en Ribeira.

Segundo informou o CIAE 112 Galicia, foi un particular o que avisou sobre as 16,00 horas da presenza dun home flotando inconsciente no mar. Unha vez no punto, os efectivos de emerxencia só puideron certificar a morte do falecido.

Tras recibir o aviso, o persoal do 112 mobilizou ao Servizo de Urxencias Sanitarias, á Garda Civil e ao Grupo de Emerxencias de Ribeira.

Sala de operacións 112 Galicia | Fonte: XUNTA - Arquivo