Alerta amarela en varios puntos da provincia de Ourense por máximas que poden superar os 36 ºC

Varios puntos da provincia de Ourense (a conca do Miño en Ourense e Valdeorras) estarán este domingo en alerta amarela ao esperarse temperaturas máximas superiores aos 36 ºC. Segundo Meteogalicia, a alerta prolongarase de 15.00 horas a 21.00 horas desta xornada debido á entrada de aire cálido.

Galicia atópase na influencia das altas presións con ventos de compoñente norte, as temperaturas non sufrirán grandes cambios e en varios puntos terán lixeiros ascensos. En canto ao vento soprará frouxo de compoñente norte, con intervalos moderados pola tarde nas Rías Baixas.

Dous bañistas no río de Leiro en plena onda de calor | Fonte: Europa Press - Arquivo