Desafortunado choque entre un coche e un camión en Mañón remata cunha muller de 48 anos falecida

Unha muller de 48 anos, veciña do Barqueiro, perdeu a vida este luns tras producirse unha colisión entre un vehículo e un camión na localidade coruñesa de Mañón. Segundo informou o 112 Galicia, un particular avisou deste sinistro á central de emerxencias ás 13.33 horas. En concreto, o accidente produciuse no quilómetro 67.5 da estrada AC-862, ao seu paso pola parroquia de Mogor.

Ata o lugar, mobilizados polos operadores do 112, desprazáronse membros do GES de Ortigueira, axentes da Garda Civil de Tráfico e efectivos da Agrupación de Voluntarios de Protección Civil, ademais do Servizo de Urxencias Sanitarias de Galicia-061. Xa no punto, os profesionais sanitarios tan só puideron confirmar o falecemento da vítima, que tivo que ser excarcerada polos servicios de emerxencias. 

Debido á complexidade do accidente, a estrada estivo cortada por completo. Ademais, o camión verteu combustible, polo que para restablecer as condicións da vía tamén se informou ao persoal de mantemento da vía.O accidente produciuse nas proximidades do núcleo do Barqueiro e, segundo se tivo coñecemento do alcance do sinistro, as mostras de conmoción fóronse sucedendo entre os veciños da falecida.