(Vídeo) Un mural colaborativo polo que se pode pasear e feito por 200 voluntarios adorna un quilómetro de Vigo

Unha cidade forma parte intrínseca da vida dos milleiros de persoas que nela viven e teñen que transitar polas súas rúas cada día. Por iso, a creación de espazos amigables coa sociedade e que resulten un punto de desconexión do axetreo diario é algo que cada vez se precisa máis. Neste senso, ao igual que no seu momento os parques e os xardíns, o muralismo chegou para encher de cor espazos noutrora grises e escuros, tan propios do feísmo que caracteriza a moitas construcións urbanísticas. Agora que os festivais de creación de murais están cada vez máis de moda, hai un que segue marcando tendencia ano tras ano: 'Vigo Cidade de Cor'.

Unha das principais novedades deste 2024 e que non deixou indiferente a ninguén foi a creación do mural 'Coida Coia'. Máis dun quilómetro de rúa en pleno centro de Vigo se atopa agora decorado con chamativas cores que resaltan e dan vida ao barrio de Coia, permitindo que cada día centos de vigueses e visitantes desfruten desta creación que, da man da artista Vanesa Álvarez, pintaron 200 voluntarios ao longo dunha semana. Máis en concreto, este proxecto de arte urbano abarca o tramo que discorre entre Praza América e a rotonda do barco 'Alfageme'. Antes a liña que agora está pintada correspondía á antiga pista de bicicletas, que quedara xa en desuso coa chegada da nova e que se atopaba morrendo co paso do tempo, cunha cor marrón moi apagada.

Verdes, amarelos e azuis son as cores predominantes, pois a intención é a de celebrar a vida e a natureza, aínda que tamén hai laranxas e violetas, xa que a artista tamén buscaba impregnar a súa obra (e a deses 200 voluntarios) dunha fonda pegada ecoloxista e feminista, concienciando tamén á sociedade da necesidade de coidar o noso planeta, porque só temos un. Tamén hai un feixe de referencias, como non podía ser doutro xeito, á cidade de Vigo: os fogos de artificio de Coia, olivos, camelias, pulpos... O máis significativo é que o éxito deste proxecto non remata aquí. O concello xa ten plans de expandir este mural o próximo ano, para que chegue ata os Volcáns, acadando unha lonxitude total de 2 quilómetros, é dicir, o dobre que na actualidade. 

 

 

Mural 'Coida Coida', da edición do festival 'Vigo Cidade de Cor' do 2024 | Fonte: GC

 

 

Ver esta publicación en Instagram

 

 

 

 

 

 

 

 

 

 

 

Una publicación compartida de Galicia Confidencial (@galicia_confidencial)