O SLG pide medidas ante a enfermidade hemorráxica e a crise do sector lácteo
Foi no marco dunha xuntanza coa conselleira do Medio Rural.
Por Europa Press / Redacción | SANTIAGO DE COMPOSTELA | 12/08/2024 | Actualizada ás 15:00
A conselleira do Medio Rural, María José Gómez, pediu ao Ministerio de Agricultura, Pesca e Alimentación que habilite as axudas comprometidas ante os casos de enfermidade hemorráxica epizóotica no gando bovino e que permita incluír nelas o custo da vacina.
Fíxoo tras unha reunión con representantes do Sindicato Labrego Galego (SLG), entre eles a súa secretaria xeral, Isabel Vilalba, quen cifrou en 350 as granxas que xa teñen un diagnóstico e noutro centenar as que están pendentes de que se confirme se teñen gañado con esta enfermidade. Por iso, reclamou "interlocución" entre as administracións e que se axilice o pago de axudas.
Foi tras unha reunión, na sede da Consellería que, ao termo da mesma e nun comunicado, informa que a titular de Medio Rural remitirá unha carta ao ministro Luís Planas coa reclamación da Xunta de face a buscar o "consenso co sector".
OUTROS ASUNTOS
No encontro, desde o SLG tratáronse tamén outros asuntos, segundo precisou a secretaria xeral do Sindicato Labrego Galego (SLG), Isabel Vilalba, que aludiu a "problemas importantes" en sectores como o lácteo ou o cárnico, polos prezos, pero tamén pola uva "almacenada" en adegas e sen recoller.
"Fálase de máis dun millón de quilos sen recoller", precisou ao solcitar medidas para abordar esta situación pero tamén sobre outras cuestións como a destilación do viño sobrante. "Algunhas non son receptivas", dixo sobre o caso de determinadas adegas.
En canto ao sector lácteo, lamentou que non se creou aínda o Observatorio do Sector Lácteo galego "que se dixo íase a crear" e engadiu que só quedan 5.000 granxas. Mentres, pediu á industria que se comprometa a manter a recollida do leite e a ofertar uns prezos que permitan "vivir polo traballo". "Hai unha caída de prezos constante", aseverou.
Ademais, reclamou á Xunta medidas para o sector da horta, que cualificou como a "esquecida". "Non hai actuacións cando teñen perdas", manifestou a secretaria xeral do SLG, quen trasladou a preocupación pola substitución xeracional.
