Incrementa a ciberdelincuencia, estafas por suplantación de identidade en apostas en liña

A Garda Civil de Ourense detectou un incremento de estafas por suplantación de identidade en apostas en liña, algo que xa denunciaron 9 persoas da provincia desde maio. Nesta modalidade de estafa, apuntan, os ciberdelincuentes fanse cos datos da vítima e empréganos para facer rexistros en plataformas de xogo e apostas en liña, xogando baixo o seu nome sen que eles sexan conscientes.

O afectado dáse conta, apuntan, á hora de facer a declaración da Renda, xa que a Axencia Tributaria solicítalles a declaración das ganancias obtidas a través das casas de xogo e apostas, "ou ben chega unha notificación ao domicilio na que se lle reclama ao cidadán a tributación por ganancias obtidas en exercicios anteriores e que non foron declaradas".

Calquera cidadán que sexa vítima dunha situación así debe de acudir á Garda Civil ou á Policía Nacional para presentar unha denuncia. Ademais, a Dirección Xeral de Ordenación do Xogo (DGOJ) habilitou o correo electrónico dgoj.pascs@ordenacionjuego.gob.es para pór en coñecemento estes feitos e unha copia da denuncia.

Ademais, recomendan contactar coa Central de Información de Risco (CIRBE) para comprobar que non se contratou ningún outro servizo financeiro coa súa identidade, así como tomar precaucións á hora de facilitar datos persoais e copias de documentos de identidade a través da rede.

Equipo de ciberdelincuencia da Policía Nacional | Fonte: Policía - Arquivo