O BNG reclama o aumento de bonificacións na AP-9 a Transportes e o ministro pide buscar fórmulas

O ministro de Transportes, Óscar Puente, comprometeu buscar "fórmulas" para aplicar o incremento das bonificacións xa establecidas para usuarios e usuarias da AP-9 en base ao acordo de investidura co BNG.

Así o manifestou nunha comparecencia no Senado e a preguntas da parlamentaria nacionalista Carme da Silva quen volveu a demandar o rescate da mesma e acabar co que definiu como unha "estafa" pola prórroga dunha concesión, da que culpou ao PP por unha decisión tomada durante o goberno de Aznar.

E é que a senadora do BNG demandou aplicar de forma inmediata os descontos de ata o 75 por cento ao entender que as contas prorrogadas permíteno.

"O que se reclama, o rescate dunha concesión que ten 25 anos por diante, correría a cargo do peto de todos os españois", respondeu o ministro quen aludiu, ademais, ao proceso de expediente de revisión por parte da Comisión Europea en relación á decisión adoptada no seu momento.

Neste contexto, o ministro apelou á prudencia, pero defendeu as achegas feitas polo Executivo central "en forma de subvencións e bonos". "280 millóns os que o Goberno habilitou", dixo para admitir "problemas", pola prórroga dos orzamentos, para incrementar noutros 27 millóns as mesmas en base ao acordo cos nacionalistas.

CRITICAS Á XUNTA

Con todo, comprometeuse a "buscar fórmulas" para "senón este ano, o seguinte habilitar unha partida". Mentres, non considerou "xusto" que se derive no Executivo actual unha decisión adoptada polo PP e, en particular, considerouno "sanguento" no caso da Xunta. "O Goberno -- central -- non é responsable dese desaguisado", sinalou.

Así o manifestou en resposta a unha interpelación da senadora do BNG Carme da Silva, quen instou a non "seguir xudicializando este tema" e optar por "negociar".

Por outra banda, incidiu en palabras do ministro para argumentar que existe, ao seu xuízo, orzamento para cumprir o acordo de investidura co BNG e atender "canto antes" os compromisos adquiridos.

"É unha cuestión de xustiza, houbo diñeiro para as radiais madrileñas, ten que haber para Galicia", sentenciou a senadora quen fixo preguntas concretas ao ministro, ao que demandou "claridade" ao preguntarlle se se vai a pór fin á concesión, cando se aplicarán as bonificacións e descontos pactados con esta formación e se nesta lexislatura circularase por "unha AP-9 galega e libre de peaxes".

"Hai que acabar con esta estafa, non sexa cómplice da prórroga da concesión, diga con claridade que van facer coa AP-9", insistiu ao reclamaar tamén a tarnsfernecia desta infraestrutura en Galicia. E é que para o BNG o Executivo central "debe negociar e pór fin a esta concesion fraudulenta".

CRÍTICAS DE SENADORES DO PPdeG

Os senadores do PPdeG reprocharon que a transferencia da AP-9 non sexa "unha prioridade" para o Goberno tras a comparecencia no Senado do ministro de Transportes, Óscar Puente.

"Para o PSOE non ten valor nin o acordo que apoiaron os socialistas galegos no Parlamento de Galicia sobre esta cuestión nin o compromiso electoral que manifestaron nas últimas eleccións autonómicas", afirman.

Tamén afean ao BNG que "dese o seu apoio gratuíto a Sánchez a cambio de nada" despois de que "unha vez máis se constate que o Goberno non asumiu ningún tipo de compromiso co cumprimento dos seus acordos".

José Manuel Barreiro sostén que nestes momentos "o único partido que ten unha posición firme, clara, comprometida e seria respecto de Galicia e respecto da transferencia da AP-9 é o PP", incide o senador popular.