CSIF pide unha reunión ao CSIC para revisar o caso da canguesa que desapareceu hai un ano nun buque oceanográfico

A Central Sindical Independente e de Funcionarios (CSIF) reclamou ao Consello Superior de Investigacións Científicas (CSIC) unha reunión urxente para revisar todos os detalles do caso da veciña de Cangas desaparecida a bordo do buque oceanográfico 'García del Cid'. Tras un ano da súa desaparición, o sindicato trasladou toda a súa solidariedade e apoio á familia e achegados da traballadora que desapareceu en setembro de 2023 cando traballaba a bordo do citado buque.

Neste sentido, pide ao CSIC que se revise o protocolo contra o acoso sexual e as actuacións de todas as partes implicadas a todos os niveis desde que se produciron os feitos, para depurar as responsabilidades que se puidesen derivar. Por último, esixe á Presidencia de CSIC e ao Ministerio de Función Pública que sente a negociar unha solución ao ERE que afecta á tripulación do buque 'García del Cid', recolocándoo noutro lugar de traballo que evite o seu despedimento. "Ata a data, o CSIC negouse a informarnos e a dialogar e Función Pública non contestou e temémonos que o ERE está condicionado co sucedido no caso da muller desaparecida", asegura o sindicato.

Buque de investigación pesqueira García del Cid | Fonte: CSIC - Arquivo