Renfe mobilizará 250 servios de autobús entre A Coruña e Santiago debido ás obras na estación herculina

Renfe habilitará un servizo alternativo de transporte por estrada con motivo das obras que Adif levará a cabo os días 21 e 22 de setembro, relacionadas coa ampliación e remodelación da estación da Coruña.

Para garantir a chegada a destino dos viaxeiros mentres se realizan os traballos na infraestrutura entre A Coruña e Santiago de Compostela e A Coruña-Betanzos, a compañía programou máis de 250 autobuses durante todo o fin de semana, incluídos algúns servizos do venres, 20 de setembro, a última hora e o luns 23 á primeira hora.

Deste xeito, veranse modificados os trens de longa distancia que conectan Ferrol e A Coruña con Madrid, así como os trens de Media Distancia e Avant con orixe e destino a estación herculina, con transbordos por estrada motivados polo corte de vía de Adif.

Para garantir durante o fin de semana todas as circulacións de trens de baixo custo Galicia-Madrid, o Avlo da Coruña circulará desviado por Vigo, con parada en todas as estacións.

Tamén se activará un dispositivo de autobuses, microbuses e taxis para os clientes dos trens habituais dos servizos de Media Distancia e Avant

Estación provisional de tren na Coruña. ADIF | Fonte: Europa Press