Rodríguez: “Se o BNG estivo coa xente, non cabe dúbida de que a UPG tamén”
Francisco Rodríguez respondeu as críticas suscitadas polo seu último artigo en Terra e Tempo, a revista do seu partido, a UPG. O veterano político arremetera nun inicio conta o pacto de En Marea e os "miles de nacionalistas conscientes non tiveron o menor escrúpulo en votar unha candidatura que non o era". Agora, nos comentarios dese artículo, reafírmase en cuestionar os pactos dos nacionalistas -como ANOVA- con forzas estatais -como Esquerda Unida ou Podemos.
Por Galicia Confidencial | Santiago de Compostela | 04/01/2016 | Actualizada ás 11:54
"Cantos votos tería en Marea, de non ir aliada con Podemos? Cantos dos seus votantes o fixeron por Pablo Iglesias? É Pablo Iglesias nacionalista galego?", pregúntase un dos principais referentes ideolóxicos do BNG.
Rodríguez dise triste pola "xenreira que algúns teñen contra o BNG, contra o nacionalismo galego, tanta que prefiren a unidade cos de fóra como for, á unidade dos dentro con obxectivos propios do país". O ex-deputado acusa a Xosé Manuel Beiras, o líder de ANOVA, de rachar o BNG sen ter debatido interiormente a posibilidade de pactos con outras forzas.
Fronte "rencores e improperios", o político pasa a enumerar algúns puntos débiles dos seus rivais, como as demisións no grupo parlamentar de Alternativa Galega de Esquerdas, e indica que "si o BNG estivo coa xente, non cabe dúbida de que a UPG tamén....".
