A campaña 'Corta coa Violencia' da Deputación da Coruña quere sensibilizar contra a violencia de xénero
Na presentación da campaña, a deputada de Igualdade, Sol Agra, apuntou que é unha iniciativa do organismo provincial centrada en abarcar máis aló de "actuacións puntuais en datas concretas"
Por E.P. | SANTIAGO DE COMPOSTELA | 05/11/2024 | Actualizada ás 19:12
A Deputación da Coruña promove a campaña 'Curta coa violencia' con motivo da conmemoración o 25 de novembro do Día Internacional de Eliminación da Violencia contra a Muller.
Trátase, segundo informaron os seus responsables, dunha nova acción de sensibilización, prevención e difusión dos recursos e prestacións existentes en materia de violencia de xénero, neste caso en colaboración con salóns de barbaría e centros de estética de Culleredo, Cambre e Carral.
Na presentación, a deputada de Igualdade, Sol Agra, apuntou que é unha iniciativa do organismo provincial centrada en abarcar máis aló de "actuacións puntuais en datas concretas".
"Neste caso para que o persoal deses centros sirvan como axentes para a prevención, visibilización e detención de condutas machistas, creando así unha rede de espazos aliados para acabar coa violencia de xénero", sentenciou na presentación xunto á técnica da institución, Eva Ovenza, e a coordinadora da campaña, Cristina Baixo.
