Expectación ante as propostas eólicas do PP na lei de acompañamento
O PP fala de " certa curiosidade'.
Por Europa Press / Redacción | SANTIAGO DE COMPOSTELA | 15/11/2024 | Actualizada ás 15:56
O portavoz parlamentario do PP, Alberto Pazos, afirmou entender que exista "certa curiosidade" sobre as emendas que presentará o seu grupo á lei de orzamentos de 2025 e á de medidas fiscais e administrativas que lle acompaña.
O prazo conclúe este sábado ás 13,00 horas e Pazos non quixo aclarar se esta vía será a que servirá á Xunta para materializar o último anuncio que realizou a conselleira de Economía e Industria, María Jesús Lorenzana, en materia de política enerxética.
En concreto, Lorenzana avanzou que os promotores eólicos terán que destinar polo menos o 50% da enerxía que producen a acordos a longo prazo con empresas galegas. Adiantouno en sede parlamentaria, pero non concretou a fórmula.
Cuestionado este venres o portavoz parlamentario do PP sobre se unha das emendas que rexistrará o seu grupo será esta, limitouse a responder que darán "información puntual" unha vez estean rexistradas.
O grupo, argumentou, está "aínda pechando algunhas cuestións". En concreto, acomete "axustes finais", polo que Alberto Pazos optou por "ser rigoroso e falar cando --a emenda-- estea perfectamente definida e rexistrada".
