Incendios forestais en pleno inverno na provincia de Ourense: lumes en Maceda e A Mezquita
O da Mezquita xa quedou extinguido tras arrasar con media hectárea de monte raso.
Por Europa Press / Redacción | OURENSE | 18/01/2025 | Actualizada ás 19:13
A provincia de Ourense rexistra este sábado, 18 de xaneiro, incendios forestais en pleno inverno. Por unha banda, o municipio de Maceda, parroquia de Castro de Escuadro, padece un lume de media hectárea que está controlado desde arredor das 19.30 horas, tras iniciarse ás 18.05 horas. Segundo informa a Consellería do Medio Rural a Europa Press, traballan catro brigadas, dúas motobombas e un axente forestal. Así mesmo, quedou extinguido, ás 16.48 horas, un incendio no municipio ourensán da Mezquita, parroquia do Pereiro, iniciado ás 14.14 horas deste sábado. Queimou tamén media hectárea de monte raso. Nas tarefas participaron dúas brigadas, unha motobomba e un axente.
