A VII Edición de 'Tempo da Psicoloxía' centrarase no consumo precoz de pornografía

O primeiro contacto coa pornografía prodúcese, de media, aos 8 anos de idade, e xeneralízase aos 14. A falta dunha educación sexual e afectiva, xunto con este consumo en idades moi temperás, impacta no desenvolvemento emocional, psicolóxico e social dos mozos e ten efectos en aspectos como a distorsión da realidade sobre a sexualidade e as relacións, o risco de comportamentos sexuais problemáticos ou violentos, así como o impacto negativo na súa educación sexual.

Estes e outros temas derivados do consumo precoz de pornografía abordaranse desde distintas ópticas na sétima edición de 'Tempo da Psicoloxía'.

Será os días 20 e 21 de febreiro, baixo o título 'Unha ollada sobre o consumo precoz de pornografía' e a través dunha palestra e unha conferencia organizadas conxuntamente entre a Facultade de Psicoloxía e o Colexio oficial de Psicoloxía de Galicia. Como é habitual, o encontro está aberto a todo o público interesado, con carácter gratuíto, e poderá seguirse de maneira presencial no Salón de Actos da Facultade de Psicoloxía da USC.

Alegoría sobre pornografía en Internet