Nova incorporación á oferta termal galega: o balneario do hotel Oca Vila de Allariz
O hotel recibiu a autorización oficial que certifica a súa condición como establecemento con instalacións balnearias e augas mineromenciñais.
Por Europa Press / Redacción | OURENSE | 17/02/2025 | Actualizada ás 19:36
O presidente da Deputación de Ourense, Luís Menor, mostrouse satisfeito coa incorporación á oferta termal da provincia dun novo balneario, despois de que o hotel Oca Vila de Allariz comunicase a autorización oficial que certifica a súa condición como establecemento con instalacións balnearias e augas mineromenciñais. Deste xeito, Menor felicitou ao director do novo hotel balneario, Maike Pazos, durante unha reunión celebrada este luns no propio establecemento e convocada pola institución provincial para analizar o desenvolvemento do programa de termalismo social. Segundo indicou nunha nota de prensa a Deputación, durante a reunión púxose de manifesto o "grande interese" xerado polo programa provincial de 'Termalismo Social', cuxo prazo de apertura de solicitudes abriuse fai quince días rexistrando máis de 1.500 reservas nas primeiras dúas semanas.
