Evacuado en helicóptero un home tras quedar atrapado debaixo da roda dun tractor

Un home tivo que se evacuado no helicóptero medicalizado con base en Ourense tras quedar atrapado debaixo da roda dun tractor nunha leira á beira da AG-51, en Soutolobre, en Salvaterra de Miño.

Segundo informou o 112 Galicia, o suceso produciuse sobre as 16.00 horas deste sábado e o home, que estaba consciente e foi liberado polos veciños, foi evacuado ao hospital de referencia, posiblemente, cunha fractura de perna. No operativo participaron os Bombeiros-GES de Ponteareas, Bombeiros do Porriño, Garda Civil e os profesionais de Urxencias Sanitarias de Galicia-061.

Helicóptero de Urxencias Sanitarias de Galicia-061 / 061 / Europa Press