Soben os coches de segunda man un 1% en Galicia en febreiro

O prezo dos turismos usados subiu en Galicia no mes de febreiro un 0,7% en comparación co mesmo mes de 2024, segundo datos da Asociación Nacional de Comerciantes de Vehículos (Ancove).

Este incremento é lixeiramente inferior ao 1% de avance interanual en España, onde o coche de segunda man alcanza os 13.046 euros, por encima do custo medio de 11.776 euros en Galicia. Por provincias, Lugo rexistra o maior crecemento (+5,5%) nos prezos interanuais na comunidade en febreiro. Séguelle Ourense (+4,1%) e Pontevedra (+1,1%). En cambio, baixan os prezos un 1,8% na Coruña

En termos mensuais (sobre xaneiro de 2025), os turismos usados baixan un 4,5% en Galicia, mentres que no conxunto estatal aumentan o 2,3%. O segmento de máis de 8 anos supuxo un desembolso medio en Galicia de 9.472 euros en febreiro, un 3,5% de subida interanual. A nivel estatal, o prezo foi de 10.276 euros, un 3,7% máis.