Albares di que a proposta de Trump de desprazar aos gazatíes sería "un erro xeopolítico"

O ministro de Asuntos Exteriores, Unión Europea e Cooperación, José Manuel Albares rexeito o "desprazamento" de gazatíes da súa terra. Foi en resposta  a unha interpelación formulada polo deputado do BNG Néstor Rego, sobre o plan do presidente estadounidense, Donald Trump, de facerse co control da Franxa de Gaza.

"A proposta de desprazar á poboación de Gaza da súa terra é inadmisible", subliñou, en referencia á intención de Trump de trasladar fose do enclave aos preto de dous millóns de palestinos que viven nel. E o é, sostivo, non só "desde un punto de vista moral, senón porque é unha violación dos principios máis elementais do Dereito Internacional".

Ao seu xuízo, "é un erro xeopolítico que só traería máis sufrimento a palestinos e a israelís e ademais imposibilitaría totalmente un futuro en paz, invalidando a solución de dous estados", remarcou.

Pola súa banda, Rego denunciou o "silencio cómplice" ante as "ameazas de Trump e as aspiracións de limpeza étnica anunciada para Gaza". O BNG reclama "cambiar de rumbo" na política exterior do Goberno estatal, "rexeitando o imperialismo" de Estados Unidos e "opóndose ao belicismo e ao aumento do gasto militar proposto pola UE".

Neno de Palestina chorando en Gaza tras a invasión de Israel | Fonte: BBC