A Xunta presenta un calendario único de feiras educativas: cinco de ámbito autonómico en Santiago e catro provinciais
Busca coordinar os diferentes eventos deste tipo que hai por toda Galicia para que "non haxa solapamientos" en contidos ou datas.
Por E.P. | SANTIAGO DE COMPOSTELA | 19/03/2025 | Actualizada ás 13:49
A Xunta lanzou un calendario unificado de feiras educativas que se celebran por toda Galicia. Inclúe cinco de ámbito autonómico --tres delas novas-- que se celebran en Santiago, catro provinciais e outras que son de ámbito local ou comarcal.
Trátase do catálogo 'Galicia Educa', que se deu a coñecer nun evento este mércores na Cidade da Cultura no que participaron o conselleiro de Educación, Ciencia, Universidades e FP, Román Rodríguez, xunto a todo o seu equipo. Esta iniciativa busca reunir nun mesmo documento as diferentes mostras que organizan os centros, en ocasións en colaboración con administracións públicas e entidades privadas, para "visualizar o traballo que se fai" nos diferentes niveis educativos. Algunhas delas xa se celebraron este ano.
É un "calendario homoxéneo, estandarizado, para que haxa unha imaxe de sistema e de país" e "non haxa solapamientos", nin nos contidos nin nas datas, tal e como explicou o conselleiro. Os detalles da iniciativa debullounos a directora xeral de FP, Eugenia Pérez, quen explicou que o primeiro nivel da programación compono as cinco feiras a nivel autonómico, todas elas en Santiago.
Dous delas son 'FP Innova', que se celebrará a próxima semana, do 26 ao 28 de marzo na Cidade da Cultura; e 'Innovart', que xa foi o mes pasado. A estas súmanse tres novas: 'Stemgal 25', un congreso centrado en inclusión educativa e outro en convivencia e benestar emocional.
