Temas: CATALUñA REFERENDUM

O CPXG condena os ataques ao xornalismo en Cataluña

Ao igual que o Col·legi rexeita “calquera tipo de violencia, física ou verbal" e considera que "no caso das forzas de orden, é especialmente grave cando se extralimitan nas súas funcións”.

Por Galicia Confidencial | Compostela | 06/10/2017 | Actualizada ás 18:01

A Xunta de Goberno do Colexio Profesional de Xornalistas de Galicia quere sumarse ao comunicado do Col·legi de Periodistes de Catalunya que, ante os ataques inaceptables a profesionais do xornalismo nos últimos días en Cataluña, lembra que é "intolerábel calquera intento de intimidar ou coartar a liberdade de prensa" e reclama "respecto e profesionalidade".

Así, lembra que nos últimos días "boicoteáronse conexións en directo, estropeáronse vehículos dunha canle de televisión, tivo que escoltarse policialmente un equipo ou cuspiuse a unha xornalista", mais que tamén se produciu "a identificación policial de xornalistas, as presións para revelaren as súas fontes, a requisa de cámaras ou teléfonos móbiles e as agresións por parte de axentes da orden a xornalistas e fotógrafos, malia a iren bien identificados".

O Colexio de Xornalistas non pode senon facer súas as palabras do seu homólogo catalán que reitera "unha vez máis o seu rexeitamento a calquera tipo de violencia, física ou verbal" e considera que "no caso das forzas de orden, é especialmente grave cando se extralimitan nas súas funcións e hai comportamentos que están fóra da legalidade.

Así mesmo, traslada ao conxunto da profesión galega a petición de que, á hora de tratar acontecementos de tensión como os que se están a producir en Cataluña, é especialmente importante "insistir en que os profesionais da información velen por ser extremadamente rigorosos e respecten o Código deontolóxico".

Temas: CATALUñA REFERENDUM

3 Undopobo

Tarde piachedes....Ata o de agora, qué? Nin golpe de estado, nin violar a Constitución, nin pisotear o Estatut, nin aplastar a oposición, nin acogotar aos disidentes coa turba nas rúas...Non merecedes crédito ningún. Deberiades denunciar o nazionalismo en xeral e, neste caso, o catalán en particular coma unha ideología populista, fascista e reaccionaria. Porque secuestrar a toda unha comunidade política sendo unha minoría e levantar unha fronteira para converter a un conciudadano nun extranxeiro, é unha mostra máxima de fascismo e violencia. E iso parte dunhas élites catalanas acostumadas a denostar ao resto dos españois, Galegos incluidos claro, aos que demostrando unha soberbia que raia no racismo, non teñen reparo en tildar de charnegos, atrasados e ignorantes. Esa debería ser a vosa obriga coma periodistas, pero claro, ao mellor moitos de vos, admirades a esa casta (esta sí) de dirixentes que pensan que pola súa orixe e condición social están por riba das leis.

2 Triste

Que lle fixeches ao nacionalismo galego, Beiras? E despois irás xunto dos cupaires. Di moito deles tamén, é certo, que te inviten. Creo que vos retratades todos.

1 Triste

O meu comentario refírese a esta nova: http://www.galiciaconfidencial.com/...

1 Triste

Acabo de ler isto e non teño palabras. A onde imos? http://www.elnacional.cat/es/politi... Quero facer miñas estas palabras. Sei que de pouco servirán: http://blogs.publico.es/davidtorres... E gustaríame pedir que os galegos non nos sumemos ao odio, senón á paz e ao diálogo. Eu non quero que se vaia Cataluña, eu non son independentista. Pero ler isto párteme a alma e dáme medo.