Temas: VIGO LORES PONTEVEDRA BNG

Salustiano Mato recuperaría como candidato en Vigo "o lugar que o BNG non debeu perder", segundo Lores

O alcalde de Pontevedra considera que as próximas municipais son un "bo momento" para que a formación nacionalista "dea un salto" e destaca o labor de Pontón.

Por E.P. | SANTIAGO DE COMPOSTELA | 05/09/2018 | Actualizada ás 21:09

O alcalde de Pontevedra, Miguel Anxo Fernández Lores, considerou que o ex-reitor de Vigo, Salustiano Mato, sería un candidato "espléndido" e "idóneo" na cidade olívica se decidise encabezar a lista nacionalista e mostrouse convecido de que "recuperaría a posición que nunca debeu perder" na cidade a súa formación. Díxoo en resposta aos xornalistas durante un almorzo informativo este mércores en Pontevedra ao ser preguntado por esta proposta da militancia. Sería, dixo, "un candidato idóneo", xa que é "unha persona innovadora" que ademais "é de Vigo", e ao que ve "con posibilidades" de acadar que o BNG "recupere a posición que nunca debeu perder en Vigo".

"Sobre Vigo sei o xusto, mentiría se dixese outra cousa", escusouse o alcalde pontevedrés, quen indicou que "tan só é a súa opinión". Así, lembrou que non é unha decisión que el "poida tomar", xa que lle corresponde aos "compañeiros de Vigo" e ao Consello Nacional, que precisamente se reunirá a mediados deste mes cos candidatos de Vigo e Ferrol pendentes. Lores mostrouse convencido de que con Salustiano Mato como cabeza de cartel do BNG en Vigo os nacionalistas contarían cun "bo equipo" co que "entrar con forza" no consistorio vigués. "A cidade máis importante debe ter unha representación ampla do nacionalismo", engadiu o rexedor pontevedrés.

SITUACIÓN DO BNG

Fernández Lores tamén se referiu á situación actual do BNG valorando que "neste momento ten unha liña correcta". "E coa gaiola de grilos que hai no exterior isto ten que ir dando resultados", indicou, antes de sinalar que a portavoz nacional, Ana Pontón, represéntalle "moi ben": "Estou moi orgulloso de como está a traballar". Para o alcalde de Pontevedra, o reto "complicado" para a súa formación política pasa por "saber trasladar todo isto aos cidadáns" para que saiban que "o BNG é o futuro deste país", porque o BNG "quere a este país e sabe facer as cousas cando está a gobernar".

"É un bo momento para dar un salto", dixo o rexedor nacionalista. "Estamos a dar unha imaxe de saber onde estamos, reivindicativa, de que somos necesarios", agregou e apuntou que a "ausencia" de representantes do Bloque no Parlamento do Estado "está a demostrar que Galicia se non está o BNG non existe". Neste sentido, destacou que "Galicia está en Europa a través de Ana Miranda", a eurodeputada do BNG. Lores indicou que o BNG "ten que crecer para tomar decisións neste país", aínda que confesou que "non cre que vaia a dar ningún sorpasso". Nembargantes, dixo que si espera "unha subida importante", porque "as outras alternativas... Deus me perdoe!", dixo. Ademais, significou, en referencia ao PP e ao seu presidente da Xunta, que "Feijóo aparece como moi bo xestor", pero el non ve iso "por ningún lado". Do Partido Socialista, engadiu que non sabía "que dicir" e sobre "os outros", para o alcalde de Pontevedra son "un bluff" .

Temas: VIGO LORES PONTEVEDRA BNG

5 Galeguista rexeneracionista

Mal farían CxG, BNG e o partido político En Marea ("puteados" por Unidos Podemos) se non se poñen de acordo para unha coalición electoral de corte galeguista, progresista e rexeneracionista para as municipais. Eu votei a CxG nas municipais de 2015 e ose u programa é o mesmo practicamente que o do BNG. Por outra banda, se o BNG quere obter máis votos (só ou xunto a alguén) debe eliminar os termos "Galiza" (en favor de "Galicia"), "nacionalismo" (en favor de "galeguismo"), ademais de condenar as ditaduras socialistas. De nada vale a xestión de Pontevedra ou Allariz se logo caemos nun sectarismo socialista e nacionalista

1 Tabernas

Falando de para rato... o Lores leva desde 1987 no Concello de Pontevedra. E dezanove de alcalde. Un demócrata puro que non cumpre nin os estatutos do BNG. E a intelectalidade galega, a AELG e os progres sacauntos, a reirlle a grazas.

4 Gamela

Completamente dacordo con Lores.... Salustiano Mato sería o único capaz de poñer no seu sitio a un home pagado de sí mesmo que non atende razóns dende hai 12 anos (e que vive do populismo máis rancio!) // Marea de Vigo son 3 Colaboracionistas que cobran por sentar o cú no Pleno do Concello sen ter feito absolutamente NADA nestes 4 anos !!! // O malo é que a UPG debe considerar a Tano un neoliberal perigoso (o mesmo que Anxo Quintana!) Así non hai BNG nin farrapos de gaitas.... E teremos Abel Caballero para rato !!!

3 sermos mantidos

Se o BNG perdeu Vigo foi por causa xusta: a Cruz dos fascistas segue no Castro, diante das narices dos alcaldes e concelleiros colaboradores do BNG, as procesións ultracatólicas presididas por Castrillo seguen na memoria, o desastre urbanístico, de ordenación do espazo urbano e rural segue igual, apoiar a Caballero e Silva até o suicidio foi o grande logro do BNG... Lores podía dedicarse a matar as ratas dos barrios pontevedreses no lugar de contentar á burguesía do centro con nauseabundos espectáculos españolistas. Acontece que ser torero é o xeito de manifestar o seu amor a Galiza!