Falece un home ao quedar apreixado debaixo do tractor que manexaba
O accidente produciuse sobre as cinco da tarde na parroquia de Argomoso.
Por E.P. | SANTIAGO DE COMPOSTELA | 22/09/2018 | Actualizada ás 20:16
Un home faleceu ao quedar atrapado debaixo do tractor que manexaba nun accidente ocorrido en Mondoñedo (Lugo) na tarde deste sábado, segundo os datos facilitados ao servizo de emerxencias do 112 Galicia.
O accidente produciuse ao redor das 17,00 horas, á altura de Pardiñas, na parroquia de Argomoso. O 112 Galicia tivo constancia do accidente a través do 061-Urxencias Sanitarias e, tras recibir o aviso, o persoal do 112 Galicia puxo a situación en coñecemento dos Bombeiros de Barreiros, de Protección Civil e da Garda Civil.
Unha vez no lugar dos feitos, os membros do Servizo de Prevención, Extinción de Incendios e Salvamento de Barreiros confirmaron ao 112 Galicia que o home xa se atopaba accesible, polo que descartaron empregar o material de excarceración.
A pesar de todo, os efectivos sanitarios nada puideron facer por salvar a vida ao home.
