Ofrenda floral a Curros Enríquez
O BNG da Coruña e a organización xuvenil Galiza Nova organizan o acto este martes.
Por Europa Press / Redacción | SANTIAGO DE COMPOSTELA | 15/07/2019 | Actualizada ás 20:51
O BNG da Coruña e a súa organización xuvenil Galiza Nova organizarán este martes, día 16 de xullo, a tradicional ofrenda floral a Curros Enríquez, actividade que se celebra ininterrompidamente desde 1995.
Deste xeito, a partir das 20,00 horas e ante o monumento esculpido por Francisco Asorey nos Xardíns de Méndez Núñez, o Bloque levará a cabo esta actividade no marco das accións postas en marcha con motivo do Día da Patria, o 25 de xullo.
Este evento contará coa participación do integrante de Galiza Nova Román Blanco, a responsable comarcal do BNG, Vitoria Louro, e o deputado provincial Xurxo Couto.
A formación nacionalista lembrou que haii cen anos, en 1919, a asemblea celebrada na Coruña das Irmandades da Fala acordou fixar o 25 de xullo como Día Nacional de Galiza, conmemoración que se empezou a celebrar a partir de 1920.
