Cervexa e churrasco, os reis do verán nas vacacións dos galegos

Os galegos elixen a cervexa e unha churrascada en compañía da parella, a familia e os amigos e a praia da Lanzada, Montalvo, Samil e Carnota como o mellor do verán. Estas son algunhas das principais conclusións do estudo 'O verán ideal dos españois', que identifica as preferencias sociais e culturas da poboación para as súas vacacións estivais.

As praias son o lugar preferido polos galegos. Así, a praia da Lanzada no Grove é a favorita para pasar o verán ideal, seguida dun triplo empate de Montalvo, en Sanxenxo; Samil, en Vigo, e Carnota, así como outro múltiple empate no que se atopan praias como Riazor, As Catedrais, Doniños e a de Caión.

A contorna (66,4%) e a limpeza (45,9%) son os aspectos que máis valoran os galegos das súas praias favoritas; algo que non é de estrañar pois nas actividades preferidas para un día de praia inflúen ambos os factores xa que son pasear pola beira (39,4%) e relaxarse na tumbona (32,8%).

LUGARES PREFERIDOS

Os galegos que prefiren pasar o seu verán no pobo, ou polo menos parte del alí, escollen como destinos favoritos para a súa tempada estival ideal distintas localidades, todas elas pertencentes a Galicia. Os dous pobos máis elixidos son Sanxenxo e O Grove. A estes séguelles o triplo empate de Vigo, Ribeira e Miño.

O hábito destacado e preferido dos galegos no pobo é estar na piscina (32,7%), seguido de relaxarse nas súas casas e gozar da terraza dun bar con amigos indistintamente (19,7%). A comida preferida é unha churrascada e a bebida para completar estas actividades é a cervexa, así o 81,1% dos galegos escolleríaa como a bebida ideal da que gozar fóra do fogar, tras un día de piscina, de relaxación en casa ou para compartir na terraza dun bar con amigos.

O estudo foi realizado por Madison Market Research para Cerveceros de España