Galicia está entre as CCAA cos servizos de psicólogos máis caros do Estado

Galicia sitúase entre as comunidades autónomas nas que é máis caro acudir ao psicólogo, cunha tarifa de 55 euros a hora, segundo un estudo elaborado polo Observatorio de Prezos de 'Mundopsicologos.com' que sinala que en España o custo medio dunha sesión é de 51 euros a hora, aínda que Asturias é a comunidade onde é máis barato empezar terapia (45 euros) e Baleares a máis cara (62 euros).

Así mesmo, nin Madrid nin Barcelona entran no 'Top 10' das cidades máis caras. Por detrás de Asturias, sitúase Andalucía como a rexión onde é máis barato acudir ao psicólogo (45,25 euros a hora), seguida de Castela e León e A Rioxa, cun prezo medio de 45,50 euros.

No ranking das rexións menos caras, atópanse Estremadura cun prezo medio de 48,75 euros, Aragón 49 euros e Castela-A Mancha 49,50 euros. Pola contra, Baleares sitúase este ano como a comunidade autónoma con tarifas máis altas, cunha media de 62 euros por sesión, seguida de Canarias (55,50 euros) e Galicia (55 euros).

O ranking das rexións máis caras segue con Cataluña (54 euros), Comunidade Valenciana (53,50 euros), País Vasco (52,50 euros), Navarra (51,50 euros), Murcia (51,50 euros), Cantabria (51,50 euros) e Comunidade de Madrid (50,50 euros).

No 'Top 10' das provincias máis caras por tarifa horaria, Castelló abre o ranking (67 euros), seguida de Ourense (65 euros) e Baleares (62 euros). Séguenlle Tarragona (61 euros), Albacete (60 euros), Áraba (57,50 euros), Biscaia (56,50 euros), As Palmas (56 euros), Tenerife (55 euros) e Huesca (55 euros).

Por outra banda, onde menos custa ir ao psicólogo, en primeiro lugar atópase Málaga (39,50 euros), Cidade Real (40 euros), Segovia (40 euros), León (40 euros), Granada (42,50 euros), Sevilla (42,50 euros), Guipúzcoa (43 euros), Zaragoza (43 euros), Alacante (44 euros) e finalmente Asturias (45 euros).

Na consulta dun psicólogo | Fonte: inforbano.com