O Instituto de Medicina Legal terá un novo edificio en 2022

O novo edificio do Instituto de Medicina Legal de Galicia (Imelga) estará en construción en 2022 e contará cun investimento de algo máis de 3 millóns de euros, segundo os datos que comprometeu este martes, 16 de febreiro, o vicepresidente da Xunta, Alfonso Rueda.

Destacouno nunha visita xunto ao alcalde de Santiago, Xosé Sánchez Bugallo, á parcela que ocupará esta construción en Fontiñas, no mesmo lugar que a súa actual sede, que se sitúa nos xulgados composteláns.

En declaracións aos xornalistas, xunto á responsable do Imelga e ao director xeral de Xustiza, ambos os mandatarios apuntaron as previsións para este edificio, que se situará na parte traseira dos novos xulgados do social, na zona verde que hai entre a Rúa de Berlín e a de Fontiñas. Bugallo explicou que esa parcela actualmente está destinada a parque, pero que xa inicialmente se planificou para acoller algún equipamento público.

De acordo co apuntado por Rueda, "se todo vai como foi" cos xulgados do social, para os que o Concello santiagués tamén cedeu a parcela, "o ano que vén estará en construción" o edificio novo para o Imelga.

A intención é que este ano 2021 licítese a redacción do proxecto, para o que os orzamentos da comunidade dispoñen unha partida de 300.000 euros. O vicepresidente galego explicou que "haberá que ver as complexidades do mesmo", pero garatiu que se estea construíndo en 2022 e engadiu que lle gustaría que "nun ano estea" terminado.

Rueda e Bugallo, no centro | Fonte: Europa Press