Os casos activos en colexios galegos seguen subindo e suman 27 aulas pechadas

Os casos activos de Covid-19 nos centros educativos non universitarios --escolas infantís, colexios e institutos-- de Galicia seguen con tendencia ascendente e aumentan a 549, tras sumar 14 positivos. Ademais, as aulas inoperativas soben a 27, unha máis, e non hai centros pechados pola incidencia do coronavirus.

Segundo os datos actualizados este mércores polas consellerías de Sanidade e Educación, por áreas sanitarias as infeccións activas baixan nas de Ferrol (-4) e Pontevedra (-2), mentres que soben nas de Vigo (+7), Lugo (+6), A Coruña (+3), Santiago (+2) e Ourense (+2).

A área de Vigo mantense, por tanto, á cabeza de casos activos, con 156, o que supón sete máis, e aulas pechadas, con 10 --tres máis--, tres delas no CPR Plurilingüe Bouza Brey de Vigo con 14 positivos e ortas dous na EEI Vila Laura con dúas clases inoperativas e seis contagios.

Séguelle a da Coruña con 137 positivos, tres máis, e tres aulas pechadas, sen cambios. Como centro con máis positivos segue o IES Afonso X O Sabio, con 11, mentres que o CPR Plurilingüe Santa María del Mar conta con nove --un máis--. Nesta área sanitaria coruñesa seguen os cribados en centros educativos e este xoves entre as 9,00 e as 14,00 horas terán lugar probas PCR a alumnos e docentes do IES David Buján de Cambre, con 473 usuarios citados. O test realizaranse nas instalacións do propio centro educativo.

En canto á de Pontevedra descenden a 103 as infeccións activas en centros educativos --dous menos-- e baixan a cinco as aulas inoperativas --dúas menos--. Esta é a área co centro con máis contagios de Galicia; o CPR Plurilingüe La Inmaculada de Marín, con 15 positivos --dous máis-- e unha aula pechada.

Pola súa banda, na área de Santiago subiron a 74 os casos activos, que supoñen dous máis, pero descenden a tres as aulas pechadas --unha menos--, entre elas dúas nun colexio de Ribeira que conta con seis positivos. O CEP Plurilingüe de Ventín, en Ames, segue co maior número de contagios desta área, con dez --dous máis--.

Mentres, na área de Ourense increméntanse a 35 os contaxios, que implican dous máis, e ascenden a catro as aulas pechadas --unha máis que a xornada anterior--. O CEIP Plurilingüe Condesa de Fenosa de O Barco concentra o maior número de casos, con seis.

MENOS CASOS

Pola súa banda, entre as dúas áreas con menos infeccións activas inclúese a de Lugo, con 34 positivos, seis máis que a xornada anterior, e mantense con dúas aulas inoperativas por un positivo en cada caso deste coronavirus. En concreto, as clases pechadas sitúanse no CEIP Gregorio Sanz de Ribadeo e na escola infantil Nosa Señora Purificación de Foz. E a área de Ferrol descenderon os casos a 10, que supoñen catro contagios menos nos seus centros educativos, e segue como a única do sete en Galicia sen clases pechadas.

O colexio público CEIP Paradai, en Lugo / Carlos Castro - Europa Press. / Europa Press