3 días de loito en Verín polo finamento de D. Santiago Cid Harguindey, exalcalde da localidade

Considerando a importancia do papel político, social e institucional de Santiago Cid  Harguindey, o concello decreta tres días de loito oficial. Durante este tempo as bandeiras  situadas no exterior da casa consistorial ondearán a media asta como sinal de duelo e respecto.

Tamén se gardará un minuto de silencio no vindeiro pleno que celebre a corporación municipal.

O alcalde, Gerardo Seoane Fidalgo, en nome da corporación municipal traslada o seu máis sentido pésame aos seus familiares e amigos polo pasamento de Santiago Cid Harguindey.