O Concello da Coruña saca á venda o xoves as entradas para o concerto de Van Morrison
Será o 3 de decembro no Coliseo.
Por Europa Press / Redacción | A CORUÑA | 15/10/2021 | Actualizada ás 17:02
O Concello da Coruña porá á venda o xoves, día 21, as entradas para o concerto que dará Van Morrison no Coliseo o 3 de decembro.
Segundo informa o consistorio, as entradas estarán dispoñibles en Ataquilla desde as 10,00 horas de mañá do día 21. En total, sairán á venda 6.760 pases, con prezos que parten dos 40 euros.
Co concerto de Van Morrison, o Concello da Coruña retoma a programación de primeiras figuras internacionais da música e recupera os concertos co público en pé e cunha capacidade máis ampla que as establecidas a causa da pandemia, aínda que non chega ao 100%.
A actuación, prevista para as 20,30 horas, enmárcase na xira mundial que está a realizar o artista, na que o concerto da Coruña será un dos poucos previstos en España.
