Inés Rey defende que a candidatura de González Formoso representa unha "Galicia moderna" e "o futuro" do PSdeG
Encabezará a lista da agrupación local ao XIV Congreso do PSdeG.
Por Europa Press / Redacción | A CORUÑA | 29/10/2021 | Actualizada ás 14:13
A alcaldesa da Coruña, Inés Rey, reafirmou o seu apoio á candidatura de Valentín González Formoso nas primarias do PSdeG que se celebrarán este sábado ao considerar que representa unha "Galicia moderna" e que achega solucións "de futuro" para o partido e para a Comunidade.
A rexedora coruñesa sinalou que o PSdeG "non se pode conformar" con ser a terceira forza política, e que desde o partido deben ofrecer aos galegos e galegas ser unha "alternativa real e sería" ao Goberno de Feijóo, que dea reposta a "os problemas e inquietudes" da cidadanía.
Preguntada pola lista da agrupación local que encabezará para o próximo congreso do PSdeG, Rey manifestou que é "integradora" na que están representadas todas as "sensibilidades" da agrupación socialista coruñesa, na que segundo explicou a alcaldesa, estarán "compañeiros e compañeiras que apoiaron aos outros tres candidatos que se presentaron ás primarias" con ela.
A rexedora local mostrouse crítica ante a falta de representación na dirección da anterior candidatura que representaba o actual concelleiro de urbanismo, Juan Díaz Villoslada, e dixo que os principios de "unidade" deben de estar en "calquera proceso destas características".
