O artista Xurxo Fernandes presenta o 16 de novembro o seu último traballo na Coruña
O seu novo traballo percorre unha ducia de paisaxes sonoras "pouco coñecidas".
Por Europa Press / Redacción | A CORUÑA | 13/11/2021 | Actualizada ás 13:10
O artista Xurxo Fernandes presenta este martes 16 de novembro o seu novo proxecto musical 'Levaino!' no Teatro Colón da Coruña; un concerto patrocinado pola área de Cultura da Deputación da Coruña co que conmemora o Día do Patrimonio Mundial, enmarcado ademais no programa 'Patrimonio GZ Sons'.
Fernandes iniciará a súa actuación ás 20h e o acceso ao Teatro Colón será gratuíto ata completar aforamento e sen necesidade de reservar entrada previamente. 'Levaino!' inclúe doce temas recolleitos polo propio artista en territorios como son Coristanco, Samakov, A Mezquita, Salihli, Tordoia, Larache ou Tel Aviv.
O traballo percorre unha ducia de paisaxes sonoras "pouco coñecidas" que comezan no Mediterráneo Oriental e que finalizan en Galicia, e que manifestan os vínculos entre ambas as culturas e tradicións orais.
En directo, conta coa actuación de músicos de referencia no panorama galego: Pedro Lamas (dozaina, saxo e gaita), Roberto Comesaña (teclado), Rafa Morais (baixo eléctrico), Rubén Montes (set de percusión) e Xurxo Fernandes (voz e pandeireta). Un evento que completan as Pandeireteiras Sen Fronteiros (PAN.SEN.FRON).
