Os 'Premios Xerais 2022' reciben un total de 87 orixinais dos que o gañador se coñecerá o 16 de xullo

Os 'Premios Xerais 2022' daranse a coñecer o 16 de xullo. Este ano compiten 87 orixinais e os integrantes dos xurados dos tres premios celebrarán dúas reunións para escoller os gañadores.

Segundo informa Xerais, os integrantes do tres xurados xa teñen nas súas mans as obras orixinais que optan a lograr o 'Premio Xerais de Novela', o 'Premio Jules Verne de Literatura Xuvenil' e o 'Premio Merlín de Literatura Infantil'. Cada un deles está dotado con 10.000 euros.

Os xurados declararán as obras finalistas na súa primeira reunión, que se celebrará o venres 8 de xullo. E os premios faranse públicos o sábado 16.

Entrega dos Premios Xerais na illa de San Simón | Fonte: Edicións Xerais.