Queres coñecer quen recibiu os Premios da Crítica de Galicia 2021?

Manolo Rivas, Madriñán, A cova de Eirós, Ugia Pedreira, Mónica Alonso, Chévere, Atalante e María Varela os elixidos acaban de ser galardonados nos premios da Crítica de Galicia 2021. A decisió foi adoptada este sábado en Vigo nas súas modalidades de Creación Literaria, Investigación, Música, Iniciativas Culturais e Científicas, Artes Plásticas, Artes Escénicas, Cine e Artes Audiovisuais e Cultura Gastronómica.

Manuel Rivas, un dos gañadores do Premio Torrente Ballester de Narrativa. DEPUTACIÓN DA CORUÑA

Baixo o lema «Galicia é infinda» do poeta Florencio Delgado Gurriarán, xuntáronse trescentas persoas representativas dos diversos ámbitos da política, da sociedade e da actividade cultural do país. No transcurso do acto, que foi conducido pola escritora Ledicia Costas, Bieito Ledo, presidente e fundador dos Premios da Crítica de Galicia, fixo un percorrido pola memoria desta iniciativa pioneira organizada en Vigo dende hai corenta e cinco anos.

O xurado da XLV edición dos Premios da Crítica de Galicia da modalidade de Creación Literaria acordou outorgar por maioría o premio a O que fica fóra de Manuel Rivas (Apiario). A figuración galega en Irlanda (1840-1936) de Xavier R. Madriñán foi premio de Investigación.

Pola súa banda, a Cova de Eirós foi premio de Iniciativas Culturais e Científicas 2022; Ugia Pedreira, premio de Música 2022; Mónica Alonso, premio de Artes Plásticas 2022; N.E.V.E.R.M.O.R.E de Chévere, premio de Artes Escénicas 2022; Atalante, premio de Cine e Artes Audiovisuais 2022 eMaría Varela, premio de Cultura Gastronómica 2022.

Esta XLVª edición dos Premios da Crítica de Galicia estivo patrocinada polo Concello de Vigo, A Xunta de Galicia e a Deputación provincial de Pontevedra, sendo entidades colaboradoras Afundación e Sargadelos. Contou ademais co patrocinio de trinta empresas e entidades de produtos galegos de calidade, etiquetados na nosa lingua.