Caen un 73% as hipotecas en Galicia durante o terceiro trimestre
Só 1 das 44 execucións sobre vivenda correspondeuse a un inmoble novo, as outras 43 eran en edificios usados.
Por Europa Press / Redacción | SANTIAGO DE COMPOSTELA | 05/12/2022 | Actualizada ás 10:44
O número de execucións hipotecarias sobre vivenda situouse en 44 no terceiro trimestre do ano en Galicia, o que supón un descenso do 73% en comparación coas 163 unidades contabilidades entre xullo e setembro de 2021, segundo datos publicados este luns polo Instituto Nacional de Estatística (INE), recollidos por Europa Press.
Deste total, 40 eran vivendas de persoas físicas e 4 eran domicilios de persoas xurídicas. E Galicia rexistráronse ata 71 execucións hipotecarias sobre leiras, un 77% menos, das que 44 eran vivendas, 10 eran leiras rústicas e 17 eran leiras urbanas doutro tipo.
Entre outras cifras, só 1 das 44 execucións sobre vivenda correspondeuse a un inmoble novo, as outras 43 eran en edificios usados. O obxectivo principal desta estatística é ofrecer trimestralmente o número de certificacións de execucións hipotecarias iniciadas e inscritas nos Rexistros da Propiedade durante o trimestre de referencia. Estatística lembra que non todas as execucións de hipoteca terminan co lanzamento (desafiuzamento) dos seus propietarios.
DATOS ESTATAIS
A nivel nacional, o número de execucións hipotecarias sobre vivendas habituais situouse en 2.022 no terceiro trimestre do ano, cifra que é a máis baixa desde o terceiro trimestre de 2020 e que supón un descenso do 13,8% respecto ao mesmo período de 2021 e do 36,1% en relación ao trimestre anterior.
