La Voz de Galicia, na alianza galega polo clima que promove a Xunta
Rueda asinou o convenio na sede do xornal en Sabón.
Por Europa Press / Redacción | SANTIAGO DE COMPOSTELA | 16/06/2023 | Actualizada ás 16:28
A alianza galega polo clima que promove a Xunta incorporou a 'La Voz de Galicia', nun acto coincidindo coa participación do presidente galego, Alfonso Rueda, na entrega dos premios 'Voz Natura'.
Rueda, acompañado da vicepresidenta segunda e conselleira de Medio Ambiente, Territorio e Vivenda, Ángeles Vázquez, asistiu en Sabón (Arteixo) á entrega dos galardóns aos centros de ensino gañadores da edición 2023 de 'Voz Natura'.
Despois foi cando se levou a cabo a firma de adhesión de 'La Voz de Galicia' á denominada Alianza Galega polo clima, unha rede que ten como obxectivo implicar a axentes económicos e sociais do país no coidado do medio ambiente.
