Actividades a esgalla para pasar o verán en Allariz
Música, actividades para público infantil, cinema e actividades deportivas son algunhas das apostas para este tempada de verán na vila do Arnoia.
Por Galicia Confidencial | Allariz | 05/07/2023 | Actualizada ás 09:00
Un ano máis, o Concello de Allariz aposta fortemente por un programa abondoso de actividades para todos os públicos que acheguen cultura e lecer á veciñanza e aos visitantes.
Volverá, un ano máis, parte da programación de Abanea, Festival de danza e movemento, e tamén terán parada na vila as XXXVIII Xornadas do folclore que achegan culturas e artes de distintas partes do mundo.
Entre as novidades musicais desta edición podemos atopar as actuacións de grupos galegos como O Sonoro Maxín, Catuxa Salom, Monoulious Dop e A Banda da Loba entre outras moitas actividades.
A comedia estará presente da man de espectaculos para todos os públicos como Circo Chosco – Oh pera a principios de agosto. Por outra banda Nelson Quintero co espectáculo Pequeno Cabaret Infantil estará no mes de setembro.
Tamén se poderá gozar das Festas de San Bieito e da Empanada así como do Día da Patría, con actividades para todos os públicos.
MOITO MÁIS...
Exposicións, mercados, festas etnográficas, Arte de Man, o Festival RiR, a 2ª edición do Trail de Allariz así como as xa consolidadas Xornadas de Carne de Boi de Allariz completan o calendario de actividades de verán, que segundo explican os responsables municipais, "están pensadas para que os e as veciñas, así como a xente que nos visite durante esta tempada, gocen de Allariz".
