Evacuada en helicóptero unha ciclista tras sufrir unha caída en Samos
Por E.P. | SANTIAGO DE COMPOSTELA | 10/07/2023 | Actualizada ás 13:49
Unha ciclista tivo que ser evacuada en helicóptero este luns tras sufrir unha caída nun tramo da estrada que une os municipios lucenses de Samos e Sarria.
Segundo trasladou o 112 Galicia, o suceso produciuse pouco antes das 10,00 horas. Foron os servizos sanitarios os que deron aviso ao 112 cando xa mobilizaran cara ao lugar un helicóptero medicalizado.
Tras recibir unha primeira atención no lugar dos feitos, en Frollais, a ciclista foi trasladada en helicóptero ao Hospital Universitario Lucus Augusti (HULA). No operativo colaboraron tamén os axentes da Garda Civil de Tráfico. Con todo, tal e como informou o 112, a ciclista caeu da súa bicicleta sen que houbese outros vehículos implicados.
