Os médicos que compatibilicen coa sanidade privada só cobrarán 180 euros menos
CESM e Sergas asinan un preacordo para o cobro do complemento específico de médicos da pública e a privada.
Por Europa Press / Redacción | SANTIAGO DE COMPOSTELA | 01/08/2023 | Actualizada ás 10:33
Representantes da Confederación Estatal de Sindicatos Médicos en Galicia (CESM) e do Sergas asinaron un preacordo para que os facultativos que compatibilizan as súas tarefas profesionais entre a sanidade pública e privada comecen a cobrar o complemento específico (CE) a partir do 1 de xaneiro de 2024.
Nun comunicado, afirma que, con iso, séguese "avanzando na implantación paulatina das melloras comprometidas pola Xunta e recollidas no documento asinado a pasada primavera coa Administración galega, para pór fin á folga convocada por CESM Galicia".
O preacordo subscrito nas últimas semanas establece que para que estes profesionais perciban o complemento específico procederase á reconfiguración deste concepto.
"De maneira que os facultativos que compatibilizan o seu traballo na sanidade pública e na sanidade privada cobrarán 180 euros menos que os quen teñen dedicación exclusiva no sistema nacional de saúde", explica.
