A produción de castaña en Galicia atravesa unha situación crítica encadeando xa seis anos de colleitas "catastróficas"

Unións Agrarias (UU.AA.) remitiu un informe á Xunta no que alerta da situación crítica da produción de castaña, que encadea seis anos de colleitas "catastróficas". Por iso, urxe ao Goberno galego un plan de protección.

Así, enuméranse as diferentes problemáticas dos últimos anos: seca e xeadas en 2017; impacto da avispilla 'Dryocosmus' en 2018, 2019 e 2020; antracnosis do castiñeiro en 2021; así como a seca de 2022.

Por iso, empraza á Xunta a "dar un paso á fronte e pór en marcha medidas", xa que este sector nun ano normal move 20.000 toneladas de castaña, que supoñen uns 30 millóns de euros.

Para Unións Agrarias o máis urxente pasa por diagnosticar as razóns da caída da produción este ano en cada comarca, de forma que se estudo se hai unha patoloxía fúnxica, unha praga, un déficit hídrico no chan ou unha combinación de causas.

Ademais, pídense diferentes medidas, tales como portainxertos híbridos fronte a enfermidades, seguir coa investigación na propagación vexetativa do castiñeiro, novas vacinas contra o chancro do castiñeiro e selección de variedades de castaña resistentes á seca e ás altas temperaturas, entre outras cuestións.

Ourizo de castañas aberto sobre un manto de folla caída, o día que dá comezo o outono 2023, a 20 de setembro de 2023, en Baleira | Fonte: Carlos Castro - Arquivo