CCOO gaña as eleccións sindicais en Navantia Ferrol, pero cede tres delegados
Soben MAIS e CXT, baixa un UGT e CIG queda cos mesmos.
Por Europa Press / Redacción | Ferrol | 24/10/2023 | Actualizada ás 19:32
O sindicato CCOO gañou as eleccións sindicais celebradas ao longo deste martes no estaleiro de Navantia Ferrol, pero perdeu dous delegados con respecto aos que tivo durante estes últimos anos.
Así, esta organización logrou sete delegados, por seis do segundo sindicato máis votado, Movemento Alternativo Sindical (MAIS), que gañou dous representantes, xa que contaba ata o momento con catro.
A CIG conseguiu nestas votacións catro delegados, mesmo número que xa tiña, mentres que CXT pasou de contar con tres representantes a ter catro, é dicir, un máis. Por último, UGT perdeu tamén outro delegado, e así pasou do tres cos que contaba a tan só dous.
O censo de traballadores de Navantia Ferrol recollía a un total de 1.555 operarios con dereito a voto, dos que 1.145, un 73%, votou para escoller aos seus representantes.
