Aprobados os novos estatutos das fundacións galegas de investigación sanitaria
Por E.P. | SANTIAGO DE COMPOSTELA | 12/11/2023 | Actualizada ás 20:19
A Xunta continúa coa incorporación das fundacións de investigación sanitaria ao sector público autonómico e aprobou, nos respectivos padroados, as modificacións dos seus estatutos para a súa adaptación a este cambio.
O Executivo autonómico remarcou que, con esta previsión, no proxecto dos orzamentos de Galicia para o 2024 incorporaron por primeira vez o tres fundacións. A Fundación Instituto de Investigación Sanitaria de Santiago de Compostela (Fidis) recibirá 22,7 millóns, a Fundación Profesor Novoa Santos, 10,5 millóns e a Fundación Biomédica Galicia Sur, 10 millóns.
Tras a aprobación dos novos estatutos, e pendentes da súa aprobación posterior no Consello da Xunta, completarán o proceso de incorporación ao sector autonómico destas institucións. As fundacións cambiarán o seu nome e denominaranse, Fundación Pública Galega de Investigación Biomédica Inibic, con ámbito de actuación nas áreas sanitarias da Coruña e Cee e de Ferrol.
A Fundación Pública Galega Instituto de Investigación Sanitaria de Santiago de Compostela, cun ámbito de actuación nas áreas sanitarias de Santiago de Compostela e Barbanza e de Lugo, A Mariña e Monforte de Lemos. A Fundación Pública Galega de investigación Biomédica Galicia Sur, con actuación nas áreas sanitarias de Vigo, Pontevedra e O Salnés e de Ourense, Verín e O Barco de Valdeorras.
