Estudan oficializar outro novo Camiño a Santiago, a ruta do Taverneiro

A Deputación de Pontevedra e a Xunta avanzan na declaración do Camiño Taverneiro como Vía Cultural coa presentación dun estudo previo para que a Dirección Xeral de Patrimonio poida realizar a característica orixinal reconocible da ruta que esixe para obter esta distinción.

Diso informou a institución provincial nun comunicado, no que sinala que a deputada de Turismo, Nava Castro, xunto á alcaldesa de Salvaterra, Marta Valcárcel, foron as encargadas de presentar este documento.

Xunto ao estudo previo, a deputada provincial tamén entregou en Patrimonio copia dos acordos plenarios aprobados no seis concellos da provincia polos que atravesa o Camiño de Taverneiro, coa proposta para incoar o expediente para a declaración da ruta como Vía Cultural.

"Existe", asegurou a deputada, "unha proposta conxunta de seis concellos para obter esta distinción e impulsar, deste xeito, a promoción e divulgación dunha ruta que ofrece un patrimonio cultural e relixioso moi amplo ao longo dos seus 130 quilómetros", indicou.

Castro engadiu que "traballar unidos, sumando sinerxías, é sempre garantía de éxito" polo que espera que esta ruta, cuxo trazado é froito de moita investigación e documentación, consiga ser declarada Vía Cultural e se poida seguir avanzando no seu posicionamento para estudar a característica turística e cultural orixinal da ruta e iniciar, así, o procedemento para a súa declaración.

"O Camiño de Taverneiro cumpre á perfección todas as condicións para obter a declaración de Vía Cultura, ao contar con 30 igrexas, 14 petos de ánimas, numerosos cruceiros e unha ampla lista de contornas culturais e naturais ao longo do seu percorrido", indicou.

A ruta debe o seu nome a Ignacio Taverneiro, un peregrino veciño de Ponte Caldelas que faleceu en 1974 na Estrada despois de realizar o percorrido. Conta con cinco etapas entre Salvaterra e Compostela, cun total de 130 kilómentros.

A Deputación de Pontevedra e a Xunta colaboran para declarar o Camiño de Taverneiro como Vía Cultural | Fonte: DEPUTACIÓN DE PONTEVEDRA