Galicia rexistra os peores datos de crecemento vexetativo desde que hai datos, hai 50 anos

Galicia rexistrou un total de 6.745 nacimimentos e 16.634 mortes no primeiro semestre de 2023, o que arroxa un saldo vexetativo negativo de 9.889 persoas, segundo o avance de datos do Instituto Galego de Estatística (IGE) publicado este venres.

En concreto, os nacementos do primeiros seis meses do ano anótanse un retroceso do 2% en comparación co mesmo período de 2022. As defuncións redúcense un 5% no mesmo período. Por outra banda, o IGE publicou os datos definitivos de 2022, nos que se constata un saldo vexetativo negativo de 20.501 persoas, a peor cifra en case 50 anos, desde que hai rexistros (1975). Hai máis de 30 anos que Galicia non conta cun saldo positivo.

Os nacementos continúan o descenso iniciado en 2009 e quedaron en 14.495 en 2022, o que supón 292 menos que un ano antes. Mentres, houbo 34.996 mortes en 2022, 2.143 máis que en 2021.

A vellez comeza a ser habitual nas zonas rurais, onde vive a xente maior e marcha a máis nova | Fonte: Matteo Bertolino