Un estudo experimental que xeolocaliza os móbiles conclúe que a maioría de turistas en febreiro viña de Madrid e Castela e León
En canto ao destino dos turistas galegos, Galicia situouse como principal lugar para pasar uns días en febreiro, con 431.657 persoas, seguida de Madrid, con 59.488, e de Castela e León, con 32.720 turistas.
Por Europa Press / Redacción | SANTIAGO DE COMPOSTELA | 03/04/2024 | Actualizada ás 14:05
Madrid, Castela e León e Asturias son as comunidades das que proceden o maior número de visitantes españois que fixeron turismo por Galicia no mes de febreiro, segundo datos dun estudo experimental do Instituto Nacional de Estatística (INE) baseado en telefonía móbil. Esta medición do turismo interno interprovincial a partir da posición dos teléfonos móbiles arroxa que houbo 710.764 turistas con movementos entre provincias en Galicia, aínda que dentro desta cifra inclúense 431.657 galegos dentro da Comunidade.
Por comunidades, os turistas de Madrid volven ser os que máis visitaron Galicia en febreiro, cun total 76.630. Séguelle: Castela e León (51.782), Asturias (30.797), Cataluña (22.827) e Andalucía (21.108). A lista complétase con: Canarias (13.894), País Vasco (13.100), Valencia (10.874) e Castela-A Mancha (7.915). En canto ao destino dos turistas galegos, Galicia situouse como principal lugar para pasar uns días en febreiro, con 431.657 persoas, seguida de Madrid, con 59.488, e de Castela e León, con 32.720 turistas. En total, 633.710 galegos realizaron algunha viaxe no segundo mes do ano.
