Rescatan a unha persoa en Noia que caera ao río

Os servizos de emerxencia tiveron que rescatar na tarde deste pasado domingo a unha persoa que caera ao río na localidade coruñesa de Noia.

Tal como informou o Consorcio Provincial Contraincendios e Salvamento da Coruña, os feitos ocorreron sobre as 20.30 horas, cando os bombeiros do Parque Comarcal de Boiro foron alertados de que unha persoa caera ao río no Malecón de San Lázaro.

Por iso, desprazáronse ao momento para realizar tarefas de salvamento, co obxectivo de rescatar ao individuo, que se atopaba na auga. O operativo tamén contou coa participación do GES de Noia e da Garda Civil.

Vila e ría de Noia | Fonte: wikipedia