Extinguen unha queima descontrolada nunha leira en Paderne

Os bombeiros do parque comarcal provincial de Betanzos participaron este sábado nos labores de extinción dunha queima descontrolada nunha leira no municipio coruñés de Paderne. Sobre as 19.20 horas, os servizos de emerxencias foron alertados desta queima descontrolada nunha leira particular na parroquia de San Salvador de Velouzas.

Así, desprazáronse ata o lugar e procederon á extinción do lume, así como a refrescar e asegurar que a zona estaba controlada e sen risco de incendio. Cabe lembrar que as queimas agrícolas e forestais de particulares están prohibidas en Galicia desde o pasado 30 de maio e ata novo aviso.

Extinción dunha queima descontrolada en Paderne | Fonte: CONSORCIO BOMBEIROS A Coruña