Estudantes de galego en Londres participan en Galicia no programa 'Viaxe da Lingua 2024'
Unha vintena de mozos e mozas, do Instituto Cañada Blanch de Londres, visitan Galicia.
Por Europa Press / Redacción | SANTIAGO DE COMPOSTELA | 05/06/2024 | Actualizada ás 14:34
Unha vintena de mozas, do case medio centenar que estuda galego no Instituto Cañada Blanch de Londres, visitan Galicia a través do programa 'Viaxe da Lingua 2024'. Trátase dunha iniciativa coa que colabora a Xunta a través das secretarias xerais da Lingua e de Emigración. O obxectivo é "promover o achegamento do alumnado estranxeiro á realidade cultural e patrimonial da comunidade".
Trátase de mozos que chegaron o pasado luns e que están a visitar Santiago de Compostela, A Coruña, as Rías Altas, Pontevedra e as Rías Baixas dentro dun programa de actividades vinculados á natureza, a cultura e a arquitectura.
Así, haberá visitas a museos pedagóxicos e universitarios, a vilas mariñeiras como Combarro ou Cambados ou parques naturais, entre outros. Tamén manterán intercambios culturais con alumnado galego. A viaxe terminará o venres cun acto de despedida.
